ലംബന്‍ കഥകള്‍

സനല്‍ കുമാര്‍ ഫ്രം ചെങ്ങനശേരി ചന്ത.

2010-01-13T09:54:00.000-08:00

മലയാള ഭാഷ ഒരിക്കലും മറന്നുകൂടാത്ത പ്രയോഗങ്ങളും, ശൈലികളും സംഭാവന ചെയ്ത ഒരു മഹത് വ്യക്തിയാണ് സനല്‍ കുമാര്‍.

അക്കോര്‍ഡിംഗ് ടു ഹിസ്റ്ററി സനല്‍ കുമാര്‍ ജനിച്ചത്‌ ചെങ്ങനാശ്ശേരി ചന്തക്കു അടുത്തുള്ള പേരുകേട്ട ഒരു നായര്‍ തറവാട്ടിലാണ്. പഠിച്ചതും വളര്‍ന്നതും ചന്തയിലും പരിസര പ്രദേശത്തും. മകന്‍റെ നാക്കിന്‍റെ സരസ്വതി വിളയാട്ടം ചന്തയില്‍ മാത്രം ഒതുങ്ങേണ്ടതല്ല എന്ന് മനസിലാക്കിയ പിതാമഹര്‍ പ്രീ ഡിഗ്രി പാസായ ഉടനെ അവനെ ബംഗ്ലൂരിലേക്ക് ട്രാന്‍സ്ഫര്‍ ചെയ്തു.

ബാംഗ്ലൂര്‍ നഗരം സനല്‍ കുമാറിനെ ജീവിതം തന്നെ മാറ്റി മറിച്ചു. മടക്കിക്കുത്തിയ മുണ്ട് മാറ്റി പാന്‍റ്റില്‍ കയറി, ബനിയന്‍ മാറ്റി ഷര്‍ട്ട് ആക്കി, ഇന്ത്യന്‍ റ്റൈ മാറ്റി ഫൊറിന്‍ റ്റൈ കെട്ടി. പക്ഷെ നാവിന്‍റെ സരസ്വതി വിളയാട്ടം മാത്രം അപ്പോഴും കൈവിട്ടിരുന്നില്ല.

ഈ സമയത്താണു നമ്മുടെ നായിക രംഗപ്രവേശം ചെയ്തത്.

മെയ്ഡ് ഇന്‍ യു കെ (യുണൈറ്റഡ് കേരള) എന്നു സ്റ്റാമ്പ് മുഖത്തു പതിപ്പിച്ചിരുന്നു എങ്കിലും, താന്‍ ഒറിജിനല്‍ യു കെ (യുണൈറ്റഡ് കിംഗ്‌ടം) മെയ്ഡാണു എന്നു തൊന്നിപ്പിക്കുന്ന നടപ്പും ഭാവവും. ഒറ്റ നോട്ടത്തില്‍ തന്നെ എതോ കാള്‍സെന്‍റ്ററില്‍ വര്‍ക്കു ചെയ്യുന്നതെന്നു വ്യക്തം.

ആടയാഭരണങ്ങള്‍ താഴെപറയുംവിധമായിരുന്നു.

വേഷം : ജീന്‍സ്, റ്റോപ്പ്, ജാക്കെറ്റ് - ഒന്നു വീതം.
ആഭരണങ്ങള്‍ : പട്ടിയുടെ ബെല്‍റ്റു പോലെ പറ്റിചേര്‍ന്ന നക്ലേസ് - ഒന്ന്, ചെവിയില്‍ നിന്നും തുടങ്ങി ടോപിനുള്ളിലൂടെ കടന്നു പോകുന്ന വയറുകള്‍ - രണ്ട്.
ചെരുപ്പ് : ഒന്നര ഇന്‍ച് ഹൈഹീല്ഡ്.
മൊഴി : ആങ്ങലേയം (രഞിനി ഹരിദാസ് വേര്‍ഷന്‍)
ആറ്റിറ്റൂഡ് : ഐ ടോന്‍ഡ് ലൈക്ക് പൂവര്‍ മലയാലി ഫെലൊസ്, കള്‍ചര്‍ ലെസ്സ് ഇടിയറ്റ്സ്

ആസ് യൂഷ്വല്‍ അന്നും അവള്‍ സനല്‍ കുമാറിനെയും കൂട്ടരെയും ശ്രദ്ധിച്ചില്ല. സുന്ദരനും സുമുഖനുമായ സനലിന്റെ ഉള്ളിലെ ഫ്രോടിനെ അവള്‍ തിരിച്ചറിഞ്ഞതു കൊണ്ടായിരുന്നില്ല, 'പൂവര്‍ മല്ലൂസ്' എന്ന ആറ്റിറ്റൂട് കൊണ്ട് മാത്രമായിരുന്നു അവള്‍ നമ്മുടെ കഥാനായകനെ മയിന്റു ചെയ്യാതിരുന്നത്.

അടുത്ത പ്രഭാതം. പതിവുപോലെ അന്നും സനല്‍ കുമാറും കൂട്ടരും അവളെ കണ്ടു.

"എടാ ദീപൂ, അങ്ങോട്ടൊന്നു അടുപ്പിക്കെടാ.."

ബൈക്ക് ഓടിക്കുകയായിരുന്ന ദീപു ഒന്നു ഞെട്ടി.

"എടാ നീ അവളെ വളച്ചോടാ.."

"പിന്നേ, നീ അടുപ്പിക്കുമോനെ."

ദീപു ബൈക്ക് അവളുടെ അടുത്തെക്കു ചേര്‍ത്തു നിറുത്തി. സനല്‍ അവളെ അടിമുടി ഒന്നു നോക്കി, എന്നിട്ടു പറഞ്ഞു.

"എടീ.. എട്ടും എട്ടും പതിനാറു സ്തനങ്ങള്‍ ഉള്ള ശുനകറാണിക്കില്ല ഇത്രേം ജാട. പിന്നെയാ മുക്കാലും മുക്കാലും ഒന്നര മാത്രമുള്ള നിനക്ക്.."

അവള്‍ ഞെട്ടി, ദീപു ഞെട്ടി, സനല്‍ ഞെട്ടിയില്ല. ആ ഞെട്ടലില്‍ നിന്നു മുക്തമാകും മുന്‍പെ ബൈക്കു വളവുതിരിഞ്ഞു അപ്രതക്ഷമായിരുന്നു.

ഇത്രയും മനോഹരമായ ശൈലീ പ്രയൊഗം സനല്‍ കുമാര്‍ മലയാള ഭാഷക്കു സമ്മാനിച്ചതു ബാഗളൂരില്‍ വെച്ചാണെങ്കില്‍, പ്രശസ്തമായ മറ്റോരെണ്ണം ചെങ്ങനാശേരിക്കു സമീപമുള്ള ബസ് സ്റ്റോപ്പില്‍ വെച്ചായിരുന്നു.

അമിതവേഗതയില്‍ വന്ന ഒരു ബൈക്കിനെ നോക്കി എണ്‍പതു കഴിഞ്ഞ കൈമളേട്ടന്‍

"ഇവനോക്കെ എന്നാ വായു ഗുളിക മേടിക്കാന്‍ പോകുവാണോ..?"

എന്ന ചോദ്യത്തിനു മറുപടിയായണ്‌ സനല്‍ കുമാറിന്‍റ്റെ ആ പ്രയോഗം ഉത്ഭവിച്ചതു.

അതിങ്ങനെയായിരുന്നു.

"അവന്‍റെ മദര്‍ ബോര്‍ഡില്‍ ആരൊക്കെയോ ചേര്‍ന്ന് വൈറസ്‌ കടത്തി വിടുകയാണ്, അവന്‍ അവിടെ എത്തിയാലേ ആന്റി വൈറസ്‌ ഇടാന്‍ പറ്റൂ"

പിന്‍കുറിപ്പ്‌: ലംബന്‍റ്റെ സാമൂഹിക, സദാചാര ബോധം സനല്‍ കുമാറിന്‍റെ ഭാഷ അതുപോലെ പകര്‍ത്താന്‍ സമതിക്കാതത്തില്‍ ഖേദിക്കുന്നു.

ഒരു അവധിക്കാലം

2010-01-02T00:32:00.000-08:00

ഒരു അവധിക്കാലം .

പ്രവാസ ലോകത്തെ ഇടവേളയില്‍ വിശ്രമത്തിനായി ഞങ്ങള്‍ തിരഞ്ഞെടുത്തത് അറ്റുപോയ ഓര്‍മകളുടെ വേരോട്ടമുള്ള ഈ ചിറക്കടവായിരുന്നു .

ഞങ്ങളുടെ ബാല്യകാലത്തെ എല്ലാ സ്വപ്നങ്ങളുടെയും ഉറവിടം ഈ ചിറക്കടവ് തന്നെയായിരുന്നു. ചിറയുടെ പടവുകളിലൂടെയാണ് ഞങ്ങളുടെ ഓരോ സായാഹ്നങ്ങളും കടന്നു പോയിരുന്നത്. ചിറയുടെ ആവാസവ്യവസ്ഥക്ക് ഞങ്ങള്‍ ഒഴിച്ചുകൂടാന്‍ പറ്റാത്ത കണ്ണികള്‍ആയിരുന്നില്ലേ?

പുലരികളിലെ സ്വപ്നങ്ങള്‍ക്കും , സായന്തനങ്ങളിലെ സ്വാന്തനങ്ങള്‍ക്കും ചിറ എന്നും ഞങ്ങളോടൊപ്പം ആയിരുന്നു. നാലാള്‍ കൂടുന്ന എല്ലാ സ്ഥാപനങ്ങളിലും ചിറക്ക്‌ ചുറ്റും ആയിരുന്നു. ഞങ്ങളുടെ വിദ്യാലയം , അമ്പലം, ആശുപത്രി,....അങ്ങനെ എല്ലാം ..

ഈ ചിറയ്ക്കു ചുറ്റുമായി ഞങ്ങളുടെ ഗ്രാമം പറ്റി ചേര്‍ന്നു അങ്ങനെ കിടക്കുന്നു . ഞങ്ങളുടെ ഓര്‍മ്മകളും ....

എന്‍റെ ഗ്രാമം.- ഒരു വിവര്‍ത്തനം

അഗാധമായ പ്രേമത്തിന്‍റെ നൈരാശ്യം മൂത്തപ്പോള്‍ ആ പ്രണയിനി തന്‍റെ ജീവിതം ഹോമിക്കാനായി കണ്ടെത്തിയത്‌ ഈ ചിറയെത്തനെ ആയിരുന്നു.

കാലങ്ങള്‍ക്ക് ശേഷം ഏതോ ഒരു ഉത്സവ ദിനത്തില്‍ തന്‍റെ പ്രണയിനിയുടെ ഓര്‍മ്മകള്‍ വേട്ടയാടുന്നതിനലാണോ ആ യുവാവ്‌ അല്ല മധ്യവയസ്ക്കന്‍ തിരെഞ്ഞെടുത്തതും ഈ ചിറയെ തന്നെ ആയിരുന്നില്ലേ ..?

തന്‍റെ പ്രഥമ പ്രണയിനിയുടെ പ്രധമഭിലാശം സാഷത്കരിക്കുനതിനായി പ്രണയ പുഷ്പ്പം തേടിയുള്ള പ്രയാണം അവസാനിച്ചതും ഈ ചിറയില്‍ തന്നെ ആയിരുന്നല്ലോ.

മേലും കീഴും നോക്കാതെ പ്രണയ പുഷ്പമായ ആമ്പല്‍ കൈക്കലാക്കാന്‍ അഴങ്ങളിലേക്കു എടുത്തുചാടിയ പ്രസ്തുത കാമുകനെ ആമ്പലിനോപ്പം കരയിലെത്തിക്കാന്‍ പത്തു യുവാക്കളുടെ പ്രയത്നം വേണ്ടിവന്നു എന്നുള്ളതും ചിറ ചരിത്രത്തിന്‍റെ താളുകളിലെ ഒരേട്‌ മാത്രമാണ് .

പാലമരം

ചിറക്കടവിലെ വിദ്യാലയത്തിനുള്ളില്‍ വെച്ചാണല്ലോ ഡി കാമുകന്‍റെ പ്രേമം പുത്തുലഞ്ഞത് . തളിരിട്ട ആദ്യനാളുകളില്‍ ലേഖനങ്ങളും ചുംബനങ്ങളും കൈമാറിയിരുന്നതും ആലിങ്ങനബന്ധരായതും ഈ പാലമര ചോട്ടില്‍ വെച്ചയിരുന്നല്ലോ.

എത്രയോ ലോല പ്രേമങ്ങള്‍ക്ക് പൂത്തു പരിലസിച്ചു മൂകനായി നിന്നിരുന്ന നമ്മുടെ പാലമരം , പിന്നീട് എപ്പോഴോ "യക്ഷിപാല " ആയി മാറുകയായിരുന്നു .

ഒരു പക്ഷേ അസമയത്തുള്ള ഒറ്റപെട്ട നാരി സഞ്ചാരം ആയിരിക്കാം ഇത്തരം ഒരു പെരുദോഷത്തിനു പാത്രമാകേണ്ടിവന്നത്.

പൈലൂട്ടി

ചിറ ഊട്ടി വളര്‍ത്തിയ ഒരുവനായിരുന്നു പൈലൂട്ടി. വയലാറിന്റെയും റെഹ്മാന്റെയും സംഗീതത്തെ വേര്‍തിരിക്കാതെ ഒരു പോലെ നെഞ്ചില്‍ ഏറ്റി ഒറ്റ രാഗത്തില്‍ അതുച്ചത്തില്‍ പാടിയിരുന്നു പൈലൂട്ടി . പരകോടി ജനങള്‍ക്ക് പരസഹായി ആയി നില നിന്നിരുന്ന പൈലൂട്ടി തന്നെ ആയിരുന്നല്ല്ലോ പ്രസ്തുത കാമുകന്റെ ഹംസമായി കഴിഞ്ഞിരുന്നത് .

" അറിവില്ലായ്മ " അതായിരുന്നു പൈലൂട്ടിയുടെ ഏക സമ്പത്ത് . കുട്ടി പാന്റുകാരന്‍ , കുട്ടി മീശക്കാരന്‍, കുട്ടിത്തം വിട്ടുമാറാത്ത പക്വതയുള്ളവന്‍.

ഗ്രാമഫോണ്‍

ഗ്രാമത്തിന്റെ ഗ്രാമഫോണ്‍ അതായിരുന്നു പൈലൂട്ടി. ഏത് ജനമധ്യത്തും ഏത് വേദിയിലും ഏത് രഹസ്യവും നിഷ്കളങ്കതയോടെ വെളിപെടുത്തുന്ന ശുദ്ധമനസ്കന്‍.

അത് കൊണ്ടായിരുന്നല്ലോ പ്രസ്തുത കാമുകന്റെ പ്രണയ രഹസ്യം ഗ്രാമം മുഴുവന്‍ പാട്ടായതും , ചുമരായ ചുമെരിലെല്ലാം പ്രത്യഷപെട്ടതും.

അമ്പലവും അമ്പലപ്പറമ്പും

ഗ്രാമത്തിന്റെ വിശാസം...!

പൈലൂട്ടിയുടെ ദേവി അള്ള..!

അമ്പലകുളം തന്നെ ആയിരുന്നു ചിറ .

കുംഭത്തിലെ തിരുവാതിര - അതായിരുന്നല്ലോ ഞങ്ങളുടെ ആഘോഷദിനങ്ങള്‍.

ഉത്സവ ദിനത്തില്‍ വിളക്കെടുപ്പ് വേളയില്‍ മണ്‍ചിരാതുമായി നടന്നു നീങ്ങിയ ഒട്ടനവധി അഗനമാരില്‍ നിന്നും തീ വെട്ടി ശോഭയില്‍ വേറിട്ടു നിന്നിരുന്ന ഒരു മുഖം പ്രസ്തുത കാമുകന്‍ തിരഞ്ഞെടുത്തതും ഈ ഉത്സവ ദിനങ്ങളിലെപ്പോഴോ ആയിരുന്നു.

അമ്പല പറമ്പില്‍ ഗാനമേളക്ക് രസംപൂണ്ടിരുന്ന ജനമധ്യത്തില്‍ മുക്കാല പാടി നൃത്തം ചെയ്തിരുന്ന പൈലൂട്ടിയുടെ ദ്രിഷ്ടിയില്‍ പ്രസ്തുത കാമുകന്‍ പെട്ടു. ഗാനമെളക്കിടയിലെ നിശബ്ദതയില്‍ തന്നെ ഏല്‍പ്പിച്ച ഉത്തരവാദിത്വം നിറവേറ്റിയ കാര്യം ഉറക്കെ പ്രക്ക്യാപിക്കുകയും ചെയ്തു. പ്രക്യാപനം ഇതായിരുന്നു. " അതെ വാസുക്കന്റെ ഓളെ കൈയില് എഴുത്ത് കൊടുത്തിട്ടുണ്ട്‌, കേട്ടോ "

പുരുഷാരം ഞെട്ടി...! , കാമുകി കുടുംബം ഞെട്ടി...!, പ്രണയം പൊട്ടി ...!

ഈ വിഷയം ഏറെക്കാലം ചിറയ്ക്കു ചുറ്റും തങ്ങി നിന്നിരുന്നു. എങ്കിലും അവര്‍ പ്രേമിച്ചിരുന്നു, ആമ്പലും നിലാവും പോലെ .... അല്ലെങ്ങില്‍ ആ പ്രേമകാവ്യം ഇങ്ങനെ അവസ്സനിക്കില്ലല്ലോ ?

ഇപ്പോള്‍ പാലമരം

സ്നേഹ മനസ്സുകള്‍ക്ക് താങ്ങും തണലുംമായിരുന്നു പാലമരം . പ്രണയ ശാപം ഏറ്റു എരിഞ്ഞമര്‍ന്നു എന്നാണ് കവി വാക്യം .

എന്നാല്‍ ഹൃദയ ശുദ്ധിയില്ലാത്ത പ്രകൃതിയുടെ നന്മ അറിയാത്ത പകല്‍ മാന്ന്യന്മാരായ നിശാചരന്മാരാല്‍ ഇല്ലാതായി എന്നാണ് വാസ്തവം .

ഇന്ന് ഇപ്പോള്‍ ...നഷ്ട സ്വപ്നങ്ങളുടെ സ്മാരകമായി ആ പാല മരകുറ്റി ......വിജനതയില്‍ നിസ്സഹായനായി...

ഞങ്ങളുടെ ഓര്‍മ്മകള്‍ക്ക് ഒരു നെടുവീര്‍പ്പിന്റെ കടിഞ്ഞാനിട്ടുകൊണ്ട് " രാവേറെയായി ..." എന്നോര്‍മ്മിപിക്കുന്ന ഭാര്യയുടെ റിങ്ങിംഗ് ടോണ്‍ ..!

ഈ മടിത്തട്ടില്‍ നിന്ന് മടങ്ങുമ്പോള്‍ എന്റെ ഉള്ളില്‍ മദിച്ചിരുന്ന ഒരു ചോദ്യം വരുകാലങ്ങളില്‍ ആമ്പലുകളും തമാരകളും വിരിയിക്കുവാന്‍ ഈ ചിറയ്ക്കു ആകുമോ......?

മന്മദ ലീലകള്‍ - കൊച്ചച്ചന്‍ കണ്ട പ്രേതം

2009-12-27T10:29:00.000-08:00

സായാഹ്നം വെറുതെ കോട്ടുവായിട്ടു ഇരിക്കുന്നു. നടവഴിയിലൂടെ തരുണീമണികള്‍ മന്ദം മന്ദം നടന്നു നീങ്ങുന്നു. കാഴ്ച രസമുള്ളത് തന്നെ .

ഈ അവസരത്തില്‍ നാളിതുവരെ കണ്ടിട്ടിലാത്ത പ്രസരിപ്പുമായി അവന്‍ കടന്നു വരുന്നു... രസം കൊല്ലി, മെലിഞ്ഞ ശരീരത്തിന്റെ ഉടമ. പുകമറയാല്‍ സാമ്രാജ്യം തീര്‍ക്കുന്നവന്‍. 'മന്മഥന്‍'.

വന്നപാടെ ഉഗ്രന്‍ പൊട്ടിച്ചിരി ആയിരുന്നു.

എന്തുവാടെ? എന്ത് പറ്റി?

കൊച്ചച്ചന് ഭ്രാന്തായി...!

കുടുംബപരമായി ഈ വിശേഷണം നിലനില്‍ക്കുനതിനാല്‍ ഞാന്‍ കാര്യമാക്കാതെ തരുണീമണികളിലേക്ക് കണ്ണോടിച്ചു.

എന്റെ 'താല്പര്യം' കണ്ടു മന്മഥന്‍ വീണ്ടും പറഞ്ഞു "ഇതൊരു വല്ലാത്ത ഭ്രാന്താന്നു, എന്നെ കണ്ടാല്‍ ഭ്രാന്തിളകും".

"ഇപ്പൊ എന്തായി?"

"തലസ്ഥാനത്താണ്, അവിടെയാണല്ലോ മെന്റല്‍ ഹോസ്പിറ്റല്‍. അവിടെ വരെ ഒന്ന് പോകണം, നീയും കൂടെ വാ."

എന്റെ വയറിന്നുള്ളത് കൊച്ചച്ചന്റെ ഭ്രാന്തിന്റെ വകയില്‍ ആയിക്കോട്ടെ എന്ന് കരുതി ഞങ്ങള്‍ അപ്പോള്‍ തന്നെ തലസ്ഥാനത്തേക്ക് വിട്ടു.

സസന്തോഷം ആശുപത്രി വാര്‍ഡില്‍ കഴിഞ്ഞിരുന്ന കൊച്ചച്ചന്‍ മന്മഥ മുഖം ദര്‍ശിച്ച മാത്രയില്‍ ജെറി യെ കണ്ട ടോമിനെ പോലെ വയലന്റ് ആയി. കൂടുതല്‍ സമയം അവിടെ നില്‍ക്കേണ്ട എന്നാ അധികൃതരുടെ താക്കീതു മാനിച്ചു അവിടെ നിന്നും പിന്‍വാങ്ങുമ്പോള്‍ 'ഇവനെ കണ്ടു കൊച്ചച്ചന്‍ എന്തിനാന്നു വയലന്റ് ആവുന്നത്' എന്നതിനേക്കാളുപരി 'എങ്ങിനെ പത്തു മണിക്ക് മുന്‍പ് ബാറില്‍ എത്താം' എന്നായിരുന്നു എന്നെ അലട്ടിയിരുന്ന പ്രശനം.

അവന്റെ സെന്റിമാന്‍സ് മുതലെടുത്ത്‌ 'ഗംഗ' യില്‍ തന്നെ പാപപരിഹാരത്തിനായി കയറിപ്പറ്റി. കൊച്ചച്ചന്റെ ആയുസിനായി പ്രാര്‍ത്ഥിച്ചു കൊണ്ട് ഞങ്ങള്‍ 2 പെഗ് അകത്താക്കി
ലഹരി എന്നിലെ ഷെര്‍ലോക്ക് ഹോംസിനെ ഉണര്‍ത്തി "എന്തിനാണ് ആ പാവം മനുഷ്യന്‍ നിനെ കാണുമ്പോള്‍ ഭീകരന്‍ ആകുന്നത്‌ ?", "എന്താണ് നീയും ഈ കാര്യവും ആയുള്ള ബന്ധം ?"

ചാനല്‍ മോടലില്‍ ഉള്ള എന്റെ ചോദ്യങ്ങള്‍ അവനിലെ ഫ്ലാഷ് ബാക്കിനെ ഉണര്‍ത്തി.

"വെള്ളിയാഴ്ച, അശ്വതി ടാകീസില്‍ സിനിമ മാറുന്ന ദിവസം, 'വീണ്ടു ലിസ്സ' കാണണം എന്ന് കൊച്ചച്ചനും വാശി. അപൂപ്പന്‍ താടി ദേഹത്ത് വീണാലും 'അയ്യോ എന്റമ്മേ എന്നെ എന്തോ പിടിച്ചേ' എന്ന് അലറി കരയുന്ന ആ പാപിയോടു പാടില്ല പാടില്ല എന്ന് നൂറ്റി ഒന്ന് പ്രാവശ്യം പറഞ്ഞു നോക്കി. ഫസ്റ്റ് ഷോ കാണാന്‍ ഞാനും ചെയ്യണം എന്ന് അങ്ങേരുക്ക് നിര്‍ബന്ധം.'പ്രേത പടം കാണാന്‍ എന്റെ പട്ടി വരും' എന്ന് പറഞ്ഞു ഞാന്‍ ഒഴിഞ്ഞു മാറുകയായിരുന്നു. അസമയത്ത് പ്രേത പടം കാണുന്നത് ഉചിതമല്ല എന്ന് കരുതി കൊച്ചച്ചന്‍ ഒറ്റയ്ക്ക് മാറ്റിനി കാണാന്‍ പോയി. പഷേ അവിടെയും വിധി കൊച്ചച്ചന് എതിരായിരുന്നു. വിധ്യുചക്തി ബോര്‍ഡ്‌ ചതിച്ചു. കറന്റ്‌ ഇല്ലാരുന്നു. സിനിമ ഒരു മണികൂര്‍ താമസിച്ചാണ് തുടങ്ങിയത്. 7.30 നു സിനിമ തീര്‍ന്നു പുറത്തു വന്ന കൊച്ചച്ചന്‍ ഞെട്ടി പോയി. ഇരുട്ട് വ്യാപിച്ചിരുന്നു. ഒട്ടും താമസിക്കാതെ വീടിനെ ലഷ്യമാക്കി കൊച്ചച്ചന്‍ പ്രയാണം ആരംഭിച്ചു. യാത്രയില്‍ എവിടെയോവെച്ചു കൊച്ചച്ചന്‍ ഭയന്നിടുണ്ടയിരിക്കണം. അതായിരിക്കണം കൊച്ചച്ചന്റെ മനോനില തകരാന്‍ കാരണം." ലാസ്റ്റ് പെഗ് ഒഴിച്ചുകൊണ്ടു മന്മഥന്‍ പറഞ്ഞു നിറുത്തി.

രണ്ടുപേരും ഫിറ്റയിരുനതിനാല്‍ അന്നത്തെ സംഭാഷണം അവസനിപിച്ചു അടുത്ത വണ്ടി കയറി വീട്ടില്‍ തിരിച്ചെത്തി.

********

തലേ ദിവസത്തെ കെട്ടു വിട്ടു രാവിലെ ഉണരനപ്പോള്‍ എന്നിലെ 'സേതുരാമയ്യര്‍ സിബിഐ' കൂടി ഉണര്‍ന്നു. കൈ പുറകില്‍ കെട്ടി നാലു ചാലു നടന്നു (മ്യൂസിക്‌ ഇല്ലാരുന്നു). മന്മഥന്‍ പറഞ്ഞ കഥ വിശ്വസനീയം തന്നെ. പക്ഷെ അവനെ കാണുമ്പോള്‍ കൊച്ചച്ചന്‍ വയലന്റ് ആകുന്നതെന്തിനു? അതിനുള്ള ഉത്തരം അവന്‍ പറഞ്ഞ കഥയില്‍ ഇല്ലാലോ. ഇനി ടമ്മി പരീഷണം വേണ്ടി വരുമോ? അതക്കൊക്കെ ചിലവുള്ള കാര്യങ്ങള്‍ അല്ലെ? വേണ്ട. ആലിന്‍ ചുവട്ടില്‍ ഇരുന്നു ബുദ്ധി (?) ഒന്ന് കൂടി ഷാര്‍പ് ആക്കി ആലോചിച്ചു. എന്‍റെ ഉള്ളില്‍ സീ എഫ് എല്‍ മിന്നി. (ഞാന്‍ പണ്ടേ ആധുനികന്‍ ആണല്ലോ). അങ്ങിനെ ഞാന്‍ കുറ്റാന്വേഷണ രംഗത്തെ ഏറ്റവും മഹത്തായ കണ്ടു പിടിത്തം നടത്തി.

'കൊച്ചച്ചന്‍ കണ്ടു പേടിച്ചത് മറ്റാരെയും അല്ല, മന്മഥന്‍ എന്ന പ്രേതതെയാണ്.'

മറ്റൊരു കൂട്ടുകാരനായ നാരായണനെ അസിസ്റ്റന്റ്‌ ആക്കി ഞങ്ങള്‍ കേസ് അന്ന്വേഷണം ആരംഭിച്ചു. വിശദമായ അന്വേഷണത്തില്‍ മന്മദന്‍ പറഞ്ഞത് മുഴുവന്‍ സത്യം ആണെന്ന് മനസിലായി. അപ്പോഴും ഒരു ചോദ്യം ബാകി നിന്നു. എന്ത് കണ്ടാണ്‌ കൊച്ചച്ചന്‍ പേടിച്ചത്?

ഇതിനിടയില്‍ പ്രത്യേക അന്വേഷണ സംഘം കൊച്ചച്ചനെ ആശുപരിയില്‍ സന്ദര്‍ശിച്ചു. കൊച്ചച്ചന്റെ നില വളരെ മെച്ചപെട്ടിടുണ്ടായിരുന്നു. 2-3 ദിവസത്തിനുള്ളില്‍ ആശുപത്രി വിടും എന്ന് ഡ്യൂട്ടി സിസ്റ്റര്‍ പറഞ്ഞു.

കൂടുതല്‍ തെളിവിനായി 'പ്രതിയെ' ആശുപത്ര്യില്‍ എത്തിക്കാന്‍ അന്വേഷണ സംഘം തീരുമാനിച്ചു. വയറു നിറച്ചും എം സി ആര്‍ വാങ്ങിത്തരാമെന്ന് എന്ന പ്രലോഭനത്തില്‍ കുരുക്കി കോവളം ബീചിലെക്കെന്ന വ്യാജേന അന്വേഷണ സംഘം തലസ്ഥാന നഗരി ലക്ഷ്യമാക്കി കുതിച്ചു.

എന്തായാലും തലസ്ഥാനത്ത് വന്നതല്ലേ കൊച്ചച്ചനെ കണ്ടിട്ട് പോകാം എന്ന എന്‍റെ വാക്കിനെ സക്തിയായി എതിര്‍ത്തെങ്കിലും അസിസ്റ്റന്റ്‌ നാരായണന്‍റെ ശ്രമഭലമായി മന്മഥന്‍ ആ തിരിച്ചറിയല്‍ പരേടിനു തയാറായി.

മന്മഥന്‍ തന്‍ മുഖം കണ്ടിട്ടുള കൊച്ചച്ചന്റെ 'അലര്‍ച്ച' മറ്റുള്ള ഭ്രാന്തന്മാര്‍ക്ക് ഒരു പ്രജോദനം ആയതുകൊണ്ട് അതൊരു കൂട്ട അലറ്ച്ചയായി മാറി. അലര്‍ച്ച നിറുത്തിയ കൊച്ചച്ചന്‍ അക്രമസക്തന്‍ അയതുകണ്ട് മന്മഥന്‍ അവിടെ നിന്നും ഡിലീറ്റ് ആയി. മന്മഥ മുഖം കണ്ണില്‍ നിന്നു മറഞ്ഞതോടു കൂടി 'പുലിയായ' കൊച്ചച്ചന്‍ 'എലിയായി' മാറി. ഇത്രയും നടന്നത് 'ഗാങ്ങുലി അവിട്ടാവുന്നതിനെകാള്‍' വേഗത്തിലായിരുന്നു.

പ്രത്യേക അന്വേഷണ സംഘത്തെ കണ്ടുപിടിക്കാന്‍ ആശുപത്രി അധികൃതര്‍ മറ്റൊരു പ്രത്യേക അന്വേഷണ സംഘത്തെ നിയമിച്ചു.

ആശുപത്രിയില്‍ വെച്ച് മുങ്ങിയ 'പ്രതിയെ' കണ്ടു പിടിക്കാന്‍ അന്വേഷണ സംഘം വലവിരിച്ചു. രണ്ടു മൂന്നു ദിവസത്തെ പരിശ്രമത്തിനുള്ളില്‍ മന്മഥന്‍ വലയില്‍ വീണു. അര മണികൂര്‍ നേരത്തെ കടുത്ത ചോദ്യം ചെയ്യലിന് ശേഷം, വിവരം രഹസ്യമാക്കി വെയ്ക്കാം എന്നുള്ള ഉറപ്പിനാലും, മറ്റൊരു ട്രിപ്പിള്‍ എക്സ് എന്ന മനോഹര ഒഫെര്‍ നല്കിയതിനാലും സത്യം പറയാന്‍ മന്മഥന്‍ തയാറായി.

"കടവത്തു (കുളി) കണ്ണും നാട്ടിരിക്കുനവരില്‍ ഉഗ്രപ്രതാപി ആയിരിരുനല്ലോ ഞാന്‍. (കൂരിരുട്ടതും കാഴ്ചകള്‍ ഒപ്പിയെടുക്കുന്ന കേമന്‍). പ്രസ്തുത ദിവസം മഴ ഒഴിഞ്ഞ സായാഹ്നം. പ്ലാവിന്‍ കൊബത്തു ആന്റിന ശെരിയാക്കാന്‍ എന്ന വ്യാജേന കടവ് കാഴ്ചകള്‍ കണ്ടു സരീരവും മനസും ത്രസിച്ചിരുന്ന വേളയില്‍ ഞാന്‍ ഏതോ ഒരു ഉള്വിളിയാലെ തിരിഞ്ഞു നോക്കി. ദേ വരുന്നെടാ കൊച്ചച്ചന്‍. ഉള്ളില്‍ ഒരാളാല്‍ ആയിരുന്നു. ഞൊടിയിടയില്‍ നിലതെത്ത്താനുള്ള എന്‍റെ പരക്രമാനതിനിടയില്‍ ഉടുമുണ്ട് സരീരവുമായുള്ള സകല ബന്ധങ്ങളും മുറിച്ചുകൊണ്ട് എന്നെകള്‍ മുന്നേ കൊച്ചച്ചന്റെ മുന്‍പില്‍ വന്നു വീണു. "

"ലിസ കണ്ടു അന്ധളിച്ച മനസും, ഇടറിയ കാലുകളും, ഇരുട്ട് പിടിച്ച കണ്ണുകളുമായി ഇടവഴിയിലൂടെ തപ്പിത്തടഞ്ഞു നടന്നു വന്ന കൊച്ചച്ചന് വീണതെന്തെന്നു തിരിച്ചരിവുണ്ടാകുന്നതിനു മുന്‍പേ മുണ്ടുപെഷിച്ച എന്‍റെ ശരീരം (ഷഡ്ജം പണ്ടേ നമുക്കന്യം ആയിരുനല്ലോ) വന്നു പതിക്കുകയായിരുന്നു."

രണ്ടു മൂന്നു മാസത്തെ വിദക്ത ചികിത്സ കഴിഞ്ഞെത്തിയ കൊച്ചച്ചന്‍ സ്വന്തം കാസ്സെട്റ്റ് കടയിലെ 'വീണ്ടു ലിസ'യുടെ മുഴുവന്‍ സ്റ്റോക്ക്‌ ഉം നശിപ്പിച്ചു മനസമാധാനത്തോടെ ജീവിതം പുനരാരംഭിച്ചു.

വീണ വീഴ്ചയില്‍ നഷ്‌ടമായ ജര്‍മ്മന്‍ നിര്‍മിത നൈറ്റ്‌ വിഷന്‍ ബ്യ്നോകുലര്‍ അന്വേഷിച്ചു കണ്ടുപിടിക്കുന്ന തിരക്കിലായിരുന്നു മന്മഥന്റെ പിന്നീടുള്ള കുറെ ദിവസേങ്ങള്‍ എങ്കിലും കുറ്റികാട്ടില്‍ കിടന്ന ടൂള്‍ കണ്ടെത്തിയ അവന്‍ 'ആന്റിന നന്നാക്കല്‍' പൂര്‍വാധികം സക്തിയായി വീണ്ടും തുടര്‍ന്നു.